Rentmeestershuis:
- Dit joar zal overste Sietse veur ut eerst met zien sabel in de rondte te zwaaien,
Moar ut lik ons een goed plan dat disse ni-je overste eerst die nare bult op zien kop weg lut maaien. - Wi-j denkt namelijk dat ut veur heel Hummel better is as Sietse an zien opvallende talenknobbel een operatie lut ondergoan,
Anders stoat wi-j deur analfabeet Witteveen vanmiddag bi-j ut Tuinhuus veur Graaf van Limpurg Rechteren ut vaandel te sloan. - Ok ni-j is dat er dit joar een Volksfeest-hit van de Bielemans deur Hummel zal schallen,.
En wi-j hopt dan ok dat wi-j d’r met zien allen dit joar nog harder as anders op goat knallen. - Want op de Hummelse Kermis wurt d’r onmundig veul gezoppen en tradities wordt geëerd,
En dan loop i-j met de Schutters met of i-j goat zitten op een peerd!
Dokter Mast:
- Onze geneesheer denkt dat hi-j op zien respectabele leaftied nog de Iron Man kan doen,
Moar onlangs kwam ut de Bielemans ter ore dat hi-j nog niet ens dertig kilometer kan kanoën met goed fatsoen. - Want toen deze sport stieveling noa de finish uut zien opblaasbare kanootje wol stappen,
Vuulde hi-j meteen wat verolderde spiertjes in zien scheve ruggetje knappen. - Tegen warm weer schijnt Jerommeke ok niet zo heel goed te kunnen,
Zelfs bi-j een waterig zonnetje meent disse kwakzalver zichzelf al een middagdutje op zien eigen behandeltafel te motten gunnen. - Ok is dit vermoeide en bebaarde doktertjen noast zien scheermes bliekboar ok zien verstand verloren,
Want met de uutspraak “Ik dacht altijd dat Bengel op een paard zat” wist hi-j bi-j de Bielemans natuurlijk helemoal geen punten te scoren! - Jeroen, ut is natuurlijk al van de zotte dat d’r met de Hummelse kermis veur een inwoner van Keppel zo interessant wurt gedoan,
Moar as i-j zo dom goat lullen dan lik ut ons better um volgend joar weer veur dokter Ni-jenhuuzen ut vaandel te sloan.
Spar Janssen:
- Dit joar viert de CEO van Hummels grootste warenhuus zien 20-joarige jubileum as Hummels dorpskruidenier,
Moar umdat Spar Nederland geen passende opvolger kan vinden zit Fransje Dennegeur de kommende 20 joar ok nog wel hier. - Veur de schutters goed ni-js en ok een fijn bericht veur het gehele Hummelse bestoan,
En ok een collega-ondernemmer is bli-j dat Frans nog effen deur blif goan. - Want Frans huldigt niet alleen het motto ‘Mien Buurt Mien Spar’,
Moar doarnoast schreeuwt hi-j in zien ondernemmingsdrang ok de leus ‘Mien Kroeg Mien Bar’. - Tafeltje Dekje interesseert Fransje Dennegeur ok geen ene reet,
Want hi-j hef tenslotte master chef Thea die zörgt dat standaard um half zes ut etten op tafel steet. - As Bielemans vroagt wi-j ons af of de CEO wel zelf zörgt veur zien eigen toetje,
En of hi-j ‘m ok wel ‘ns aftikt op Thea heur guitige snoetje. - Wi-j as Bielemans wilt Frans wel adviseren um met spoed een traplift an te schaffen,
Want Frans, Thea kan ut niet zo waarderen dat i-j as een zwerver in ow eigen kantine ligt te maffen.
Heinekendael:
- De medewerkers van ut Heinekendaal kwamen smekend op hun knieën bi-j de Bielemans ankakken,
Of wi-j in onze tekst asteblieft wat wilden vermelden oaver die Tena ladies die zich op hun olde dag menen te motten gedragen as een stelletje kleine etterbakken. - W-j bunt niet vaak serieus moar pesten is geen spelletje, ok niet op ow olde dag!
Dus ok veur de oldste generatie van Hummel geldt: Weas lief veur ow noasten, anders graaf i-j ow eigen graf! - De malafide leiding van dit Verbanninksoord blik de preaken van de Bielemans trouwens ok niet al te serieus te nemmen.
Want noar menig woarschuwing van onze kant bliekt hier noa zwoare regenval nog steeds een hoop losse gebitjes in de rondte te zwemmen. - Ok dit joar zult wi-j de directie wederom adviseren um wat te goan doen met de wieze woorden die de Bielemans hier stoat te reren,
Want as ze hier Hummels oldste generatie stelselmoatig loat verzoepen dan wil geen enkele schutter hier zitten op ut moment dat ze zelf begint te dementeren!
Gemeente Bronckhorst:
- Noadat interim burgermeester Huijbregts veurig joar met een beschminkt pak noar heur volgende afspraak mos goan,
Hef onze nieuwe burgermeester Besselink zich dit joar veuraf van angst al bedoan. - Bliekboar raken de Bielemans bi-j ut ondersmeren van mantelpakjes een gevoelige snaar,
Doarum stuurt onze nieuwe burgervrouw vandaag moar Paul Seesink noar heur vaandelhulde in zien functie van gemeentelijk ambtenaar. - Wetholder Seesink hef met zien ni-je plannen um de Hummelseweg in Keppel af te sluuten hier in Hummel geen vrienden gemaakt,
Zulk beleid vanuut de ivoren Hengelse torentjes wordt in onze mooie Hummel hardhandig afgekraakt! - Doarnoast bliekt de interessante verhalen van onze burgermoeder slechts holle woorden te wean oaver onderwerpen as kleine kernproblemen en innovatie,
Want deur heur afwezigheid nemt ze disse kleine kern niet serieus en wurt een wetholder as afgezant hier in Hummel beschouwd as een regelrechte degradatie!
De Veldhof:
- Hier in disse Hummelse achterstandswiek wurt ut hoog tied dat ze met zien allen het tij eens goat keren,
De verpaupering van de Veldhof is namelijk groot ni-js en dit onderwerp wet met grote regelmoat de pagina’s van de “Contact” te domineren. - Want sinds Victor Ebbers hier in ‘The Bronx’ is kommen wonen,
Is ut gedoan met de rust en trekt disse buurt alleen nog moar vechtersbazen, junks en allochtonen! - Met de goede olde tied van Piet P., Henny M. en Bennie J. leek ut gedoan,
Tut dat laatstgenoemde, as een woare Che Guevarra op ut idee kwam um met zien eigen glossy “The Benny” tegen de verloedering de strijd an te goan. - De Bielemans zollen ut een goed idee vinden dat volgend joar de gehele Veldhof samen ut brood veur de schutters goan smeren,
In plaats van mekaar consequent de rug toe te blieven keren! - Wi-j hoppen as Bielemans dat jullie ok echt wat goat doen met disse donderpreek.
Want geen enkele inwoner van Hummel wil hier een tweede Molenbeek.
FF noar Steef:
- De gesjeesde Vitens Koning alhier had laatst zien eerste succesvolle en drukbezochte evenement,
Moar had an ut einde van de oavond wel te weinig geld veur ut betalen van Hummels slechtste rock & roll band. - Tut oavermoat van ramp had Steef zien inkoopbeleid ok weer ‘ns niet veur mekaar,
En mos ome Henk met de Mobimax bier goan halen bi-j één of andere Duitse bierhandelaar. - En umdat hi-j veur ut eerst in zien leaven ‘ns een keer keihard had motten werken,
Meende hi-j geliek dat hi-j twee dagen met overste Sietse op een nudisten camping in Limburg an mos goan sterken. - Normaal gesprokken hef Steef geen vakantie neudig want hi-j krig in zien stinkende toko meestal toch niet zoveel visite,
Wi-j Bielemans vindt ut ok niet gek dat d’r hier in de Veltins Arena geen hond kump zolang Steef ut blif vertikken um gewoon thuus te goan drieten!
De Krent:
- Afgelopen oktober waren Herenboer Robbert en Queen Elisabeth 11 joar bi-j mekaar.
En noa disse kermis vormt disse twee boerenherbergiers samen een huwelijkspaar. - Robbie hef namelijk veurig joar met uuterste precisie een huwelijksanzoek in mekaar geflanst,
Crossend op zien zitmaaier hef hi-j ‘Wil i-j met mien trouwen’ in zien strakke gazon gestanst. - Volgens ingewijden wurt d’r 3 volle dagen vreselijk gezoppen en gefeest,
Moar volgens ons hebt disse twee tortelduifjes wel een aardige kronkel in de geest. - De Bielemans bunt via een digitale ni-jsbrief namelijk alleen moar uutgeneudigd veur de receptie,
En dat wi-j met zo weinig waardering wordt behandeld is veur ons Bielemans een zwoare deceptie. - Dus Queen-tjen: i-j kriegt van ons nog één keer een kans,
Um te goed te maken trakteer i-j vandaag op een extra rondje veur de Ruiters, de Schutters en de Bielemans!
Dominee Roth:
- Onze dorps preakster beschikt oaver een uutmuntend brein.
Want Elise hef inens ontdekt dat d’r “meer tussen hemel en aarde blijkt te zijn”. - De oplettende kerkganger hef namelijk kunnen ontdekken dat Hummels godshuus sinds kort oaver Wifi beschikt,
Woardeur noa een verdwaald kerkhof now ok nog ‘ns menig idiote Pokemon debiel ut kerkplein opschrikt. - Moar in ut heufd van onze veurgangster zit nog veul meer innovatieve wandelgangen,
Zo wil zi-j in in ut Hummelse gebedshuus zelfs twee beamers an de wand goan hangen. - Onze dominee vindt interactief geleuven namelijk ut ni-je bidden en deurum mik zi-j met al ut olderwetse korte metten,
Moar Elise, wi-j Bielemans denkt dat hierdeur op zondag alleen nog moar heidense Pokemonjagers samen met ow de kerkbanken goat bezetten.
