Rentmeestershuus:
Hier op het gazonnetje van het rentmeestershuus ziet jullie twee ni-je gezichten veur ow stoan
André Ni-jman steet hier as de ni-je bieleman en Karl Lusink geet de hele dag ut vaandel sloan
Wi-j verzoekt jullie dan ok um disse heren te steunen deur dik en dun
Deur ow vandaag netjes te gedragen en te bewiezen dat jullie waardige schutters zun
Want as i-j vanmiddag al as een dronken tor in de rondte loopt te lallen
Dan is de kans groot dat i-j nog veur ut einde van de optocht as Henkie G. midden in ut bietenland in sloap zult vallen
Dus hol ow vanmiddag een betjen in en goa ow boekje niet helemoal te buuten
Zodat wi-j vannacht met zien allen de Hummelse kermis alderbastend heavig af kunt sluuten
Dominees:
De dominee's goan joarlijks met ut hele gezinnetje op bedevaart noar Taizee
Moar wi-j as nuchtere en verontruste burgers vindt dit wel een riskante bestemming veur een dominee
Onlangs is er in dit bedevaartsoord namelijk een geestelijke dood gestokken en wi-j hopt dat ut met de dominee's niet net zo geet
Want denk moar niet dat d'r dan zondags één van de bielemans op de preakstoel steet
Moar dominee's: als jullie toch leavensmuu bunt dan hoef i-j echt niet zo wiet van de keet te goan
Dan kunt jullie namelijk better een paar dagen lang op de kop in ut kuulvoer van Harm V. goan stoan
Spar Janssen:
Fransje Dennegeur hef een poosje terug met de zatte kop bi-j de buren an stoan bellen en was zien eigen veurdeur kwiet
Moar oaver het algemeen is disse ondernemmer toch wel aardig bi-j de tied
Zo wurt het assortiment van Nederlands beste buurtsuper altied met een kritisch oog bekekken
Of d'r moderne producten bi-j mot kommen en of d'r olde producten mot vertrekken
Frans hef onlangs ok de olde bokworsten d'r uut gegooid en ni-j soort bokworsten in ut assortiment opgenommen
Moar dat hef hi-j alleen moar gedoan um van zien minderwaardigheidscomplex af te kommen
Want as onze kruidenier vrogger zo'n potje met die olde bokworsten oapen klikte
Dan kreeg zien ego een grote knauw, niet zozeer van de lengte moar wel van de dikte
Burgemeester:
Net as veurmalig burgemeister Angst-Haasjes is onze ni-je burgervader een tussenpaus
En de tied zal ut leren of hi-j in anmerking kump veur applaus
Zo is van der Wende al opperhoofd van de gemente Gendt en de gemeente Zelhem gewes
En beide gemeentes gingen onder zien bewind op de fles
Wi-j hopt dat ut motortje van de gemeente Bronckhorst wel wat langer zal blieven ronken
Mits d'r natuurlijk wel genog andacht an Hummel zal worden geschonken·
Dus burgemeister: veur ut Hummelse belang zul i-j ow hard motten maken en d'r stevig tegen an motten goan
Anders scheiden wi-j ons zo weer af en goat wi-j wel weer veur Jenever Peter ut vaandel sloan
Heinekendaal:
Noa veule slechte joaren geet ut met dit verbanninksoord eindelijk weer de goede kant op
Er kommen weer gelden vri-j en ut Heinekendaal herrijst langzaam an uut het financiële slop
Zo is d'r onlangs een ni-je vloer in de kantine van het personeel angelegd
En hef de vierentwintigste directeur noa meer dan een joar zien ontslag nog steeds niet angezegd
Ok het etten in disse olderen-ontmoetings-plek hebt ze tegenwoordig aardig in de smiezen
In plaats van elke dag eenheidsworst kunt de bewoners now uut verschillende menu's goan kiezen·
Wi-j hoppen dat d'r veur de schutters vandaag op de keuzeliest van ut Heinekendaal wel bier is opgenommen
Want as de schutters alleen kunt kiezen tussen appelsap en sinas dan ziet ze die hier nooit meer kommen
Dokter N.:
Dokter Nieuwenhuuzen hef onlangs zien eerste kleinkind Mijlan Dorien mogen bewonderen
Moar hi-j mot natuurlijk niet menen now hi-j opa is, dat hi-j de zaak kan bedonderen
Ten eerste is onze kwakzalver al met zien malafide praktijk noar Hoog-Keppel vertrokken
Veur een paar pillen mot de olde mensen met een rollator dwars deur de Hessenweg en sjouwt zich now helemaal de pokken
Ok hef dokter Hans de bielemans veurig joar een weekendje weg met de camper in ut veuruutzicht gesteld
Moar tut op heden hebt wi-j nooit meer wat weer geheurd van disse anti-held
Zelfs Hans hef ut gezegde belofte mik schuld ooit wel 'ns heuren roepen
En dus kan onze wonderdokter alleen nog eerherstel kriegen deur dadelijk bi-j de Krint onder de tap te kroepen
De Veldhof:
Ok op de Veldhof beseft ze heel goed dat i-j niet an tradities mot kommen
En dat de inwendige mens versterking neudig hef as de maag begint te grommen
Noa 100 joar is het vergulde mes van de Veldhof dan ok deur gegeven aan een jongere generatie
Vanaf dit joar zwaait de familie Pasman de scepter op de veldhof en werpt zich met breudjes en koffie op als redder van de natie
De Krint:
De Golden Casper hef met recht een klote joar achter de rug
Moar net as Bennie Jolink kump ok disse herbergier altied weer terug
Vergis ow niet, want de heer "de van der" dat is een taaie
Inmiddels lup hi-j al zowat een loar lang op zien krukken in de rondte te spaaien
Moar juust dankzij die krukken hef hi-j zich veur de Olympische spöllen van 2008 opgepept
Want dan wurt deur de Golden Casper namelijk de eerste golden medaille veur Nederland met "Nordic Walking" binnen geslept
