Rentmeestershuus:
Noa 15 joar zien ziel en zaligheid in ut bielemansschap te hebben gelegd
Hef Maarten ons dit joar zien ontslag angezegd
Maarten zal vandaag dan ok veur ut laatst de beumkes umzagen
En volgend joar zit d'r dus een ni-je bieleman bi-j ons op de wagen
Wi-j hebt lang motten zuuken, moar uuteindelijk toch gevonden:
Veur de kommende joaren is André Ni-jman an ons bieleteam verbonden
Spar Janssen:
Fransje Dennegeur hef dit joar de hoofdpries in ontvangst genommen
Want de Spar is dit joar as beste buurtsuper van Nederland uut de bus gekommen
Um bi-j te kommen van alle commotie en de stress uut zien lichaam te sloan
Hef Fransje Dennegeur beslotten um met de sleurhut op vakantie te goan
Noa ongeveer één uur was zien droomvakantie echter alweer veurbi-j
Toen hi-j met zien formidabele stuurmanskunsten zien caravan compleet in de poeier ree
Wat dat betreft hef hi-j de schien now wel erg tegen
Hef onze dorpskruidenier soms van Spar Nederland noast een vette cheque ok zien r-jbewies kado gekregen?
Burgemeester:
As per 1 januari 2005 de vief gemeenten deur de fusie as Bronckhorst wieter goat
Dan steet onze burgermoeder werkeloos op stroat
Ut is dan ok de laatste keer dat wi-j veur Haasjes ut vaandel hebt geslagen
En as blijk van waardering neudigt wi-j heur uut veur een ritje in de badkuip op onze bielemanswagen
Wi-j goat d'r vanuut dat onze burgermeester disse verleiding niet zal kunnen weerstoan
Want zi-j zal toch niet als "Angst-Haasjes" de geschiedenis in willen goan?
Heinekendaal:
De financiële positie van de stichting Markenheem steet d'r niet bepaald florissant veur
En veur de 326e keer in anderhalf joar hef ut Heinekendaal alweer een ni-je directeur
D'r wurt hier in dit Verbanninksoord dan ok een beleid bepaalt, net hoe de wind waait
En dat hierdeur een hoop onrust onder de bewoners en personeel wurt gezaaid
Zo bunt ze hier al moanden lang an ut wachten op een ni-j voedingssysteem
En ut geschreeuw van de bewoners um een stukjen vleis geet ons deur merg en been
Wi-j hopt dan ok dat ze veur de schutters geen ni-j dranksysteem hebt bedacht
Want die holt d'r niet van as d'r lang op bier mot worden gewacht
Dokter N.:
Deur onze medicijnman wurt al geruume tied op een vakbekwame wieze kalkoenen geslacht
En net as zien patiënten behandelt hi-j zien kalkoenen ok niet bepaald zacht
Tijdens een traditioneel slachtingsritueel was het één van zien zoons die de krijsende vogel niet helemoal goed vastpakte
En woardeur onze topchirurg in plaats van de kop de kont van ut arme beest afhakte
Wi-j hoppen veur dokter Hans dat hi-j bi-j zichzelf nog steeds wel ut onderscheid tussen oraal en anaal wet te maken
Anders lup hi-j dadelijk de hele dag met wc-papier tussen de kaken
De Veldhof:
D'r hebben de laatste tied veul jongelui hun intrek op de Veldhof genommen
En wi-j goat d'r dan ok vanuut dat d'r nog veul blagen op disse oldste ni-jbouwwijk van Hummel bi-j zult kommen
Want een heuse geboortegolf is hier tut op heden nog niet gesignaleerd
Moar ok oaver 20 joar wilt wi-j op brood en koffie van de Veldhof worden getrakteerd
De Krint:
De Golden Casper hef in Rita zien eerste en enige grote liefde gevonden
En ze bunt dan ok samen in de echt verbonden
In zien jonge joaren was onze herbergier namelijk de stille zwijger
Want zo liet hi-j zich laatst zelf ontvallen: "ik was vrogger niet zo'n tijger"
Disse eigenschap blik dan toch wel erfelijk te zun
Ok veur dochter Elisabeth is de mannelijke spoeling nog wat dun
Ut vinden van een goede vader veur heur kinderen is nogal moeilijk en rot
Want zo zegt ze: hoe older ik word, hoe schaarser het mannen aanbod
Elisabeth troost ow moar met de gedachte dat i-j deur de schutters wordt aanbeden
D'r zal hier toch vast wel één schutter zun die as donor op wil treden
