Rentmeestershuus:
Bengel is dit joar as overste wat hoger op de sociale kermisladder geklommen
Moar d'r mos eerst nog wel een kostuum en ja, zelfs een ni-je sabel veur dit knaapje kommen
Zo beslotten de 3-Bee's dan ok um veur dag en dauw noar de zwarte markt in Beverwiek te ri-jen
Met as gevolg dat Bengel dit joar zien ni-je blanke sabel effen fijn deur de hand kan loaten gli-jen
Wi-j hopt echter alleen dat bi-j Bengel ut schot vandaag niet te snel af zal goan
Want anders hoeft wi-j vandaag ga niet onder de vogel te stoan
Dominees:
Onze preaker ondernam dit joar richting Frankriek een pelgrimstocht
En hef zich bi-j de Welkoop special hierveur ni-je bergschoenen gekocht
Ut einde van de pelgrimage hef onze dominee echter niet wetten te halen
Angezien de vuuten van de goede herder alleen moar gewend bunt an ut dragen van sandalen
Ja, want zelfs op de kansel predikt hi-j op een paar Naikies type Jeruzalem ut Godsverhaal
In ut vervolg zult wi-j dus ut vaandel sloan veur alle notabelen én veur Jan Sandaal
Spar Janssen:
Fransje Dennegeur is met alles, moar veural met zien etten nogal een chaoot
En raakt totaal in paniek as hi-j weer 'ns lup te knooien met zien water en brood
Ok is Fransje Dennegeur altied an ut woord en kan ut sprekken stomweg niet loaten
Zelfs as ut personeel hier al twee uur noar huus is, steet hi-j nog tegen hun an te proaten
Frans één tip: loat de bielemans vandaag het programma moar vol lullen
Dan kun i-j mooi de hele dag ut bierquotum van de schutters anvullen
Heinekendaal:
De bewoners en personeel van ut Heinekendaal begint zich duftig zorgen te maken
De kas van dit verbanninksoord begint langzaam an aardig leug te raken
Uut financieel oogpunt is de directie flink in ut personeelsbestand goan sni-jen
Woardeur de bewoners hier deur onderbezetting al an uutdreuging begint te li-jen
Wi-j hopt echter wel dat de directeur hier hef gezorgd veur een extra kermispotje
Anders kriegt ok de schutters vandaag wel een onmundig dreug strotje
Burgemeester:
Binnenkort kriegt wi-j een ander opperhoofd as de ni-je gemeente Bronckhorst wurt opgericht
En dan zal onze burgermoeder van ut GAK uut motten voldoen an de sollicitatieplicht
Zi-j zal wel bi-j zichzelf gedacht hebben dat ze verder mot kieken dan ut heden
Want zo hef Haasjes onlangs al in dit verbanninksoord as bijzonder ambtenaar van de burgelijke stand opgetreden
Wi-j hopt dan ok dat gemeenteroad Haasjes hier in ut Heinekendaal veur vast as ambtenaar an zal stellen
Dan hoeft wi-j as inwoners van disse gemeente tenminste niks veur een golden handdruk neer te tellen
Dokter Ni-jenhuuzen:
Onze wieze geneesheer hef begin dit joar de schaatsen weer uut de kast gepakt
En hi-j is toen oerend hard met zien logge lichaam op ut ies gesmakt
Zien vrouw Ineke had wekken tegen um an zitten proaten
Want ok zi-j zegt: a-j iets niet kunt, dan mo-j ut loaten
Vermoedelijk bunt disse wieze woorden eindelijk bi-j dokter Hans in zien stoffige hersenen angekommen
Weurum hef hi-j d'r anders in zien praktijk een ni-je dokter bi-j angenommen?
Veldhof:
De Veldhof hef zich dit joar wederom de portomonnee getrokken
Ni-je versiering is opgehangen en ni-je vlaggen wapperen an de stokken
Wat natuurlijk niet veranderd is, is ut Hummels Onbijt Café
Woar wi-j zo as altied wordt veurzien van breudjes, koffie en thee
Want zo as de geboren Veldhovenees Hans Schreurs gisteroavend alweer lulde
Zegt ok wi-j dit joar weer tegen de Veldhof: Hulde!!!
