Rentmeestershuus:
Vanmiddag zal d’r tussen 12 en 3 een speciaal treintje ri-jen tussen de Greffelinkallee en ut Hummelse derp
Want menigeen hef de pap dan al op en is dan ok al zeker niks meer te scherp
De schutters doarentegen bunt rond die tied nog heerlijk kwiek en nog lang niet verslagen
Die motten eerst nog noar ut Tuinhuus en de meesten wetten zich dan nog steeds goed te gedragen
Wi-j wilt jullie dan ok vroagen um de kop d’r een betjen bi-j te hollen, ok dit joar weer
Want schutter zun dat doe-j met respect en eer!
Bi-j terugkomst van ut Tuinhuus dan begint veur ut gruune legioen pas ut echte daldeejen
En speciaal veur de schutters zal ut treintje dan tussen ut Hart en de Krint goan ri-jen
Spar Janssen:
Fransje Dennegeur is oaver ut algemeen een nogal nadrukkelijk anweazig man
En ut is geen geheim dat onze kruidenier als één van de besten onmundig preaken kan
Zo is hi-j in een ver en gries verleden reserve-pastoor van de kerk in Doorwerth gewes
En vanaf de kansel betoogde hi-j vol oavergave de christelijke levensles
Ut toeval wil dat de Hummelse kerk dringend um een ni-je preaker steet te springen
Den samen met alle kerkgangers ut geloof wil delen en à capella psalm 69 met hun wil zingen
Wi-j stelt dan ok veur dat volgend joar bi-j de Spar alleen Doortje en ut personeel hier goat stoan
En dat wi-j dan een endje wieterop veur Frans de dominee ut vaandel komt sloan
Burgemeester:
Veur elk wissewasje is onze ni-je burgervader de hele gemeente Bronckhorst an ut rondgoan
Moar veur de Hummelse kermis was ut nog moar wel effen de vroag of Aaldering vandaag hier überhaupt op dit bordesje zol stoan
Wi-j bunt bli-j dat hi-j hier dan toch steet en vindt dat ok donders mooi
Moar burgemeister: feest vieren leidt vaak wel töt een enorme zooi
Ondanks dat de gemeentelijke afvalheffingen alweer umhoog bunt gegoan
Zie i-j hier met de Hummelse kermis veul te weinig afvalcontainers stoan
In de schoonmaak van ut Hummelse derp schiet de gemeente dan ok eindeloos tekort
Zodat wi-j in Hummel d’r noa de kermis zelf veur mot zörgen dat al ut afval wurt gestort
Dus burgervader: loat ankommende donderdag eerst moar ‘ns effen ow eigen reinigingstroepen koers richting Hummel zetten
Anders kun i-j een fijn biertje drinken op de Hummelse kermis wel vergetten
Heinekendaal:
Ut Heinenkendaal is onlangs met een engels certificaat veur goede verzorging bekroond
Moar ondanks disse pries wurt ut personeel van dit zorgcentrum financieel niet extra beloond
Ok veur de bewoners blif een extra beloning gewoon liggen in één of andere stoffige lade
De enige beloning die ze kregen was weer een zoveulste gevalletje van waterschade
De directie hier hef bliekboar een harde kop en van veurige gevallen nog steeds niks geleerd
Want as ow de keet slagmoals oaverstroomt is zo’n diplomaatje ok geen kloten weerd
Wi-j hoppen dan ok dat de directie van dit verbanninksoord de gouden tip an wil nemmen van disse drie gekken
Leg moar een paar incontinentie luiers op het dak: dat helpt namelijk donders goed tegen lekken
Dokter N.:
Onze plaatselijke kwakzalver mot noa al die joaren niet inens menen dat hi-j god is
Wi-j hebt namelijk geheurd dat hi-j tegen zien personeel nogal tamelijk bot is
Zelf steet hi-j vol gas op de kermis zien dös met kratten tegeliek te stillen
Terwijl Elly Jolink vandaag gewoon mot werken moar ok wel heel graag vri-j zol willen
Ondanks zien malafide praktijk wilt wi-j niet oaverkommen as een stel ondankbare parasieten
Moar as groot drankliefhebber wet onze dokter zelf ok wel dat de schutters hier dat lauwe bier hoast niet deur de strot hen kunt gieten
Ok wi-j bielemans hebt nog een paar harde nötten met onze arts te kraken
Want veurig joar is onze wonderdokter niet onder de tap gegoan en hef doardeur vreselijk lopen verzaken
Wi-j geeft um dan ok nog een laatste kans um de verstoorde onderlinge verstandholding weer recht te breien
Dus Hanselmans: loat ow lange lief dadelijk alsnog moar bi-j de krint onder het tapje vleien
De Veldhof:
Piet Pasman hef zich hier op de Veldhof als de grote leider wetten te profileren
Iemand mot toch de leiding hebben as ze hier met zien allen brood stoat te smeren
As wi-j hier op de Veldhof ankomt is iedereen hoast op sterven noa dood
Moar dan is de redding noabi-j: ok vandaag krig iedereen van Piet zien troepen weer koffie, thee en brood
Net als andere joaren is ut op dit höfken goed toeven en donders fijn
Want alles is hier weer perfect geregeld op ut Piet Pasman Plein
De Krint:
Tijdens ut kerkelijk huwelijk met Rita zat de Golden Caspar as een boer met kiespien noar ut altaar te turen
Wijlen dominee Dun nuumde um tijdens de eerste oecumenische telefonische kerkdienst van hummel consequent meneer Verschuren
Zo as de vlag d’r now bi-j hink zal juffrouw Verschuren bi-j heur huwelijk de meisjesnaam van heur moeder goan dragen
De kroonprinses van de Krint hef namelijk de jonge agrariër Remmelink uut Langerak an de haak geslagen
As de Golden Caspar wil dat er tijdens ut huwelijk van zien dochter wat meer schik te maken völt
Veur drie biertjes wurt de huwelijksvoltrekking deur de bielemans an mekaar geluld
De brulft wurt dan misschien wel net zo mooi as de Hummelse kermis van vandaag
En kan heel hummel breeduut lachen en zelfs disse herbergier uut Den Haag
Tekst Dokter Hans 2006
Als antwoord op de toespraak van de bielemannen hield dokter Hans zelf een tegen-toespraak en onderwierp de bielemannen vervolgens aan een 'diagnose sneltest':
Heb ie het al geheurd?
Er is bij de bielemannen dit jaar niets gebeurd!
Alleen de chauffeur had een vrouwtje opgedoken,
en aan de huwelijkse staat geroken.
Het kan ze blijkbaar niet hinderen,
dat ze daarbij gebruik maken van andermans kinderen.
De gemiddelde buikomvang neemt toe;
En zelfs van een BACO light wordt Erik moe!
Ik moest me dus even vermannen,
en kwam tot de diagnose: ze zijn onder de pannen!!
Is er dan nog hoop en potentie voor dit stel?
Is er nog een drive, en willen ze nog wel?
Zijn ze ingedut of zijn ze nog wel best?
Dus de hoogste tijd voor een diagnose sneltest!!
Neem dus allen plaats op de stoelen;
En het publiek beoordeelt jullie smoelen!
