Rentmeestershuis:
- Zoas jullie kunt zien bunt de Bielemans dit joar een éénmalige functiewisseling angegoan,
En zal driever Rinaldo dit joar The Battle of the beumpkes angoan - Oaver de reden bunt wi-j echter totaal niet te sprekken.
Jelle H. uut D. zal namelijk wegens zwangerschapsverlof dit joar ontbrekken. - Wi-j hoppen dat Rinaldo de teksten wel in ut fatsoenlijk Achterhoeks veur kan dragen,
Anders knapt wi-j straks meteen langs meester Boschman um zien schoolgeld terug te vroagen!!! - Bi-j de oaversten van de schutters kunt wi-j ok iets niet ongemerkt veurbi-j loaten goan,
Want Bengel zal noa 13 joar veur ut laats de notabelen met getrokken sabel te woord stoan. - Oaver zien opvolging bunt de Bielemans echter kritisch te stemmen.
Loslopende megafoon Sietse Witteveen zal volgend joar disse eervolle taak op zich goan nemmen. - Moar veurdat hi-j vanaf volgend joar kermis gedurende dit gehele feest niet meer mag zoepen.
Mag disse grote vriendelijke reus straks samen met Rinaldo bi-j the Queen onder het tapje kroepen!
Alvast proost!!
Dokter Mast:
- Ut was jullie vast al wel bekend dat onze geneesheer hult van lange afstand zwemmen,
Moar volgens inside information zal disse gezondheidsmiljonair binnenkort ok een duuk in zien nieuwe geldpakhuus goan nemmen. - Anouk is namelijk sinds kort ok de trotse eigenaresse van een eigen praktijk,
Hierdeur is dit echtpaar deur hun medische expertise helemoal schatrijk. - Ut mot de Bielemans nog wel van ut hart dat Dagobert Mast afgelopen joar niet met ons en dokter Hans een weekend weg met durfde te zoepen,
Umdat hi-j bliekebaar bang was dat onze Andre 's-nachts stiekem tegen um an lepeltje lepeltje zol kroepen. - En...... Jerommeke raakt bi-j de Bielemans nog een gevuulige snaar,
Want hoe ku'j now dienst hebben op ut mooiste feest van ut joar!!!!
Spar Janssen:
- De CEO van Hummels grootste warenhuus is afgelopen joar twee keer afgeschrikt deur criminelen die het gemunt hadden op zien veurroad sigaretten.
Moar onze nachtburgermeester liet zich de tweede keer de kaas niet van ut brood etten! - Heldhaftig trok hi-j zien sloapkamerraam lös en schreeuwde de mutjes toe dat zi-j uut zien warenhuus weg mossen goan.
Moar noar een grote bek van dit tuig was de lol veur opa Frans wel gedoan. - As een echte Robin Hood begon hi-j uut vanuut zin venstertjen met bakstenen te smieten.
Woarna de oavervallers ut met de steert tussen de benen gelukkig snel veur gezien lieten. - Wi-j wilt as Bielemans dan ok Fransje Dennegeur adviseren um ter inbraakpreventie zien foto bi-j de ingang wat groter te maken.
En as pleister op de wond bieden wi-j ow as trofee een golden baksteen an, zo da'j dat tuig een volgende keer fatsoenlijk de harses kunt raken!!!!
Heinekendael:
- Ut Heinekedael viert dit joar hun 25-joarig bestoan,
Moar ut kon wel eens weazen dat wi-j hier vandaag veur ut laats vaandel stoan te sloan. - Per 1 januari is de langdurige zorg ingriepend hergevormeerd,
En wurdt d'r eerst een beroep gedoan op vri-jwilligers en mantelzorgers die hier niet veur hebt gestudeerd. - Ondanks dit feit hef de directie van Markenheem wel beslotten um ut Heinekedael kamer veur kamer te goan verbouwen…..
Want as ut Hummels oldste ras niks meer oplevert, kan Markenheem hier nog altied bejaarde asielzoekers goan hollen.
Burgermeester Huijbregts:
- Burgermeester Huijbregts is nog niet zo lang geleden as interimmer de gemeente Bronckhorst binnen gevloagen.
En veur degene die heur nog niet kent, heur politieke carriere is zeer bewogen. - Vanaf 2007 is zi-j lid van de eerste kamer der Staten-Generaal en ut blik dat zi-j al vroeg de politiek in wilde
Ze had ut namelijk snel gehad met heur baan as secretaresse bi-j ut Nederlandse padvindersgilde - Zi-j hef onder andere ok al as waarnemend burgermeester in Roosendaal en Lochem heur werk goed gedoan
En disse Ridder in de orde van oranje Nassau zal noa verluut binnekort ok namens de VVD in de tweede kamer heur mannetje goan stoan - Wi-j as Bielemans wenst disse burgemeester een mooie tied in de mooiste gemeente van Nederland
En wi-j hoppen dat zi'j de geldkraan weer open dut veur cultureel erfgoed en tradities, mocht d'r nog wat vertellen zun in ut Haagse land
De Veldhof:
- In Hummels oldste ni-jbouw wijk hef ut ni-je groenbeleid van de gemeente Bronckhorst ok zien intrede gedoan.
En blik d’r waarempel geen enkele bewoner te zun die dit project an wil goan - Deur ut grote bewonersverloop van de afgelopen joaren zol i-j toch denken dat ut tied wurdt veur een nieuwe generatie die de kar mot goan trekken.
Moar bi-j ut ni-je importvolk blik ut enigszins an initiatief te ontbrekken. - Wi-j as Bielemans willen disse personen dan ok dringend verzoeken om an noaberplicht te goan doen.
Piet Pasman mag noa joaren trouwe dienst toch ok wel ‘ns een keer goan genieten van zien pensioen?
FF noar Steef:
- De uutbater van de Veltins Arena is zo af en toe een domme drommedaris
Want hi-j behandelt zien eigen Martine as personeel terwijl zi-j ok gewoon eigenaar is - As Steef ut d’r niet met eens is wurt Martine veur un hartig woordje met noar de kökken genomen
En ok Bieleman Dré mot vanweage de Grolsch-vete regelmoatig in diezelfde kökken op ut matje kommen - Ut lik wel of disse kastelein iets noast zien schoenen begint te lopen
Moar beste Steef, in Hummel kuj zulk gedrag echt niet verkopen - De schutters en de Bielemans kunt grootsheidswaanzin echter op 1 manier wel waarderen
Dus Steef: Denk vandaag dan ok moar groot en loat ons in plaats van 1 moar liefst 2 gratis biertjes consumeren
De Krent:
- Queen Elisabeth is een bezig bijtje en zie-j hier van ’s margens vrog tut ’s avonds laat in de rondte sjouwen
En now goat ze bi-j de Krent ok nog ‘ns de ronde zaal verbouwen - Tut oavermaat van ramp klapte met Vive la France met enige regelmoat de stroom d’r uut bi-j dit deftige etablissement
En ondanks een tekort an netspanning was de spanning um te sni-jen hier bi-j de Krent - De grote vroag is now dan ok of The Queen disse last allemoal wel kan dragen
>Want noast heur horecazaak hef ze ok nog de last van heur agrarische imperium en de twee blagen - Wi-j as Bielemans kunt ons dan ok goed veurstellen dat ut emmertje van Elisabeth langzaam an aardig begint oaver te lopen
En wi-j bunt deurum bereid um onze lichamen an de Grote Leidster van disse toko te verkopen - Want een nachtje völ spanning zörgt d’r veur dat ut met The Queen een stuk better zal goan
En hoeft wi-j niet met heel Hummel volgend joar bi-j ut Groot Graffel in Warnsveld ut vaandel te sloan!
Dominee Roth:
- Noadat onze dorpspreakster veurig joar helaas verstek mos laoten goan,
Kunt wi-j dit joar as Bielemans melden dat onze domina vanaf oktober Hummel weer 80% preakend met een gladgestreken Toga te woord zal stoan. - Disse moeder van 3 kleine vlerken
Mag heur ijdelheid wel wat beperken - Ut kerkbestuur hef namelijk nog nooit zo lang motten wachten
veurdat ze een portetfoto veur de hal in onze kerk van disse predikante konden bemachtigen. - Ut dut de Bielemans deugt dat i-j veel waarde hecht an disse mooie traditie en disse eigenlijk veurig joar ok niet oaver wol sloan
En druk an ut oefenen bunt um net as dominee Dun de Hummelse kerkgangers zingend te woord te kunnen stoan.> - Wi-j hoppen daj ok volgend joar met ow dikke BMW weer noar ut Hummelse volksfeest komt knappen,
Moar ut is de laatste keer gewes as de schutters onze domina op ut uutdelen van lauw bier betrappen!
