Rentmeestershuis:
Vandaag met de kermis is d’r een treurige dag angebrokken
Want Hans Nusselder zal dit joar veur ut laatst as overste van de ruiters op zien hobbelpeardjen in de rondte bokken
Een lange carrière kump ten einde want Hans hef 25 joar trouwe dienst gedoan
En vanaf volgend joar zal Rinie Luesink met getrokken sabel de oversten van de ruiters bi-j stoan
Wi-j wilt Hans veur zien joarenlange inzet dan ok onmundig bedanken
En wenst ‘m alvast veul succes as hi-j vanoavond achter de viskroam zit te janken
Noa 7 trouwe dienstjoaren zal ok Bielemanswagen Anita vandaag veur ut laatst deur Hummel hen knappen
En veur volgend joar zoekt wi-j dus nog sponsors die een nieuw vervoersmiddel veur de Bielemans bi-j mekaar wilt lappen!
Vandaag hebt wi-j echter ok nog iemand in ons midden die nog niet stoppen kan
Want dames en heren, jongens en meisjes: André Ni-jman is vandaag op de kop af 10 joar Bieleman
Dus Schutters loat dit een een machtig jubileumsjoar zun veur disse keerl met ballen
Maak d’r een mooie dag van met zien allen en zörg d’r now eindelijk ‘ns veur dat een schutter de vogel eraf zal knallen!
Dokter Mast:
Onze geneesheer hef een passie woar hi-j zich vol oavergave op stort.
Hi-j is namelijk erg verslaafd aan topsport.
Van de zomer hef hi-j zelfs het vliegtuug hiervoor motten nemmen.
Um in het Turkse Istanbul met te goan doen met een wedstrijd lange afstand zwemmen.
Jeroen is hier dan ook moanden lang veur in serieuse training gewest. Moar disse prestatie verliep veur hem niet al te best.
Hi-j mos veur disse wedstrijd 7 kilometer zwemmen in een uur tied op open water. Moar toen hi-j bi-j de finisch kwam was het drie minuten later.
Op de terugreis raakte hi-j töt oavermaat van ramp ook nog zien telefoon kwi-jt.
Wi-j hoppen veur alle patiënten dat hi-j zien werk as geneesheer nog wel scherp ziet!
Spar Janssen:
De CEO van Hummels grootste warenhuus mocht onlangs zien pensioen gerechtigde leeftied in ontvangst nemmen.
Moar is nog niet van plan um zien carrière af te goan remmen.
Ondanks is hi-j wel met de kleinkinderen met de sleurhut op vakantie gewest.
Moar dat beviel opa Frans toch niet zo best.
Hi-j kwam oren en ogen te kort um de jongste generatie Janssen in de gaten te hollen.
En noemt de kleinkinderen now handenbinders umdat hi-j gek werd van alle grappen en grollen.
Umdat hi-j de stress als fulltime opa nog niet an wil goan.
Zal hi-j zeker nog 3 generaties lang zorgen dat Opa Frans lekker in zien warenhuus tussen ut relaxte Hummelse volk blieft stoan!
Heinekendael:
Hier op ut Heinekedeal is ut al moanden één en al Kukident geklapper.
Want deur de invoering van de WMO wurd de dienstverlening hier nog slapper!
Deurdat er eind September een nieuwe lift in de laatste halte veur de eeuwige reis wurd gemaakt, motten de bewoners van de tweede etage verplicht drie wekken op hun kamer verbli-jven
Moar dat liekt de Bielemans niet zo verstandig umdat men hier met het minste of geringste regenbuitje al op een waterbed deur de gang schijnt te drieven.
De Bielemans roept de directie dan ook op om passende maatregelen te treffen , want straks vallen d’r nog dooien.
En bovendien moj met Hummels oldste ras absoluut niet lopen klooijen!!!!
Burgermeester Aalderink:
Komt hi-j wel, of komt hi-j niet????
Bi-j burgermeester Aalderink wet i-j nooit of i-j um ziet!
De Veldhof:
De nostalgie in Hummels oldste ni-jbouw wiek lik hoast wel dood
D’r is bi-jnoa geen bewoner meer hier die wil sponsoren veur de koffie en het altied oaverheerlijke brood
Piet Pasman is al joaren de organisator van wat zich hier met de vaandelhulde afspölt
Moar sinds de komst van het nodige importvolk op dit plein wurt de traditie steeds minder gedeeld zodat d’r hier weinig te lachen völt
Victor Ebbers die hier drie joar geleden is kommen wonen zol ut echter wel ‘ns ff anpakken hier
En regelen dat hier op de Veldhof een patatwagen zol kommen met een paar kisten bier
Drie joar lang bleef ut bi-j valse beloftes, veul sprekken, weinig doen en zien alom bekend onmundig domme ongein
Moar töt onze verbazing steet d’r vandaag dan veur ut eerst een patatwagen op het Victor Ebbers Eerdappel Plein
Veur de koffie en de breudjes wurt d’r dit joar ok veur ut eerst verwacht dat deur de ruiters en schutters een vrijwillige bi-jdrage wurt gedoan
As dat zo is dan motten wi-j as Bielemans ok moar een nota goan sturen veur het zagen en hakken van ut beumke en goaw volgend joar wel ergens anders ut vaandel sloan.
FF noar Steef:
Disse Veltinskiller was eind januari ineens van de aardbodem verdwenen
En stukken sneller dan datte normaal lup nam disse kastelein met inboedel en al de benen
Moar zo snel as hi-j verdween was hi-j as een ware Harry Potter weer in Hummels Veltins Arena terug te vinden.
Um doarmet Hummel weer van drank te veurzien en de gemeenschap weer te verbinden.
Wi-j as Bielemans denkt dat Steef stiekem een half joar in een klooster hef gezetten of een cursus mindfullness bi-j de LOI hef gedoan
Ut liekt namelijk wel of wi-j ‘m noa de her-oapening now stukken relaxter en zonder zenuwtrekjes achter de bar ziet stoan
Moar net toen wi-j disse bevindingen toch eens an hem wollen vroagen raakten hi-j d’r helemoal deur
En stond hi-j alweer snoeihard te schelden: Doar hei-j weer zo’n domme klote kut blinde Poolse vrachtwagenchauffeur!
Desondanks hef de ingelaste sluutingstied van een half joar disse kastelein toch echt wel goed gedoan
Ut café blif langer lös dan eerder en wi-j hoeft in het weekend niet meer um één uur al noar huus te goan
Wi-j kunt de verni-jde instelling van Steef dan ok alleen moar goedkeurend bewonderen
En wilt Steef dan ok alvast bedanken dat wi-j vandaag met de kermis töt 3 uur vannacht nog kunt deurdonderen
De Krent:
Queen Elisabeth zol ut noa de komst van twee kinderen rustiger an willen goan doen met de lakens uutdelen, bier rondbrengen en vretteri-j uut serveren
Met as bedoeling dat disse directrice zich meer op landgoed Remmelink te Langerak zol goan concentreren
In werkelijkheid zwaait Hennie van Groll hier al joarenlang de scepter en is hier de man met de echte macht
Moar in februari geet disse opperkelner met pensioen en hef hi-j hier 40 joar dienstjoaren volbracht
Um noa ut vertrek van Hennie toch heur gewenste rust te kunnen pakken hef hare Majesteit vanaf vandaag assistent manager Wouter angenommen
Moar wi-j as bielemans bunt benieuwd hoe dit bi-j ut personeel, dat hier al jaren in disse herberg de dienst uut maakt, binnen zal kommen
Wi-j wilt disse Wouter waarschuwen um in disse eeuwenolde herberg de traditie van de Hummelse kermis volledig te respecteren
Anders schupt wi-j ‘m ok net zo hard weer terug de iessel oaver veurzien van een laagje pek met veren!
Wouter: Welkom in Hummel!
Rexwinkel:
Dit joar bunt wi-j als Bielemans veur de 50ste keer op de woensdagmorgen van de kermis bij de familie Rexwinkel te vinden.
Um deur Martha, Brenda, Martine en Petra te worden geschminkt en op de nuchtere maag de nodige borrels van Bernard te verslinden.
50 joar lang bunt de Rexwinkels degenen gewes die als één team achter de Schutters en de Bielemans stoan.
Als blijk van dank en waardering willen wi-j daarom veur de hele familie, en dezelfde familie, een allemachtig hard applaus en doarnoast ut vaandel veur de familie Rexwinkel sloan!
