in't begin van september steet hummel op de kop,
de cafe's dreit at bas, dus die li'jt vast gin strop.
en dan is ter op't darp höös gin mens meer te zien,
of hie lig met de kont vol, in de hegge misschien.
refrein:
ja de hummelse kermis kump ieder joar weer,
en dan geet ut der twee dagen gruwelik heer.
op de hummelse kermis moakt wij völ plezier,
en wi'j doet met mekaar hen op gemüd'lijke manier.
de hummelse kermis steet wiet en zied bekend,
deurum hebt z'in bije cafe's een volle tent.
en ut volk hier uut darep wet wel wat zoepen is,
moar aj denk datz'der slech van bunt, dan hij ut mis.
en a'j ow now twee dagen uut'e slakkerd heb,
dan denk i'j bi'j ow zelluf, de karmis is gin nep.
en misschien bunt der wel wat met piene in de kop,
moar ut volgende joar stoef z'der net zo weer op.
