Rentmeestershuus:
Hier bi-j ut Rentmeestershuus meugt wi-j dit joar een blik op een ni-j gezicht bi-j de Schutters goan werpen
As de ni-je oaverste zal Mark Jansen vandaag ut alom gevreesde fluitjen loaten snerpen
Helaas is ut ok bi-j de Hummelse Kermis een kwestie van kommen en van goan
Want zo zal de vendelier van de ruiters Bennie de Vries dit joar veur ut laatst ut vaandel sloan
Bi-j de Bielemans hebt wi-j d’r echter ééntje die moar geen afscheid nemmen kan
Want, jongens en meisjes, dames en heren, Henk Greaven is vandaag op de kop af 20 joar Bieleman
Um dit heugelijke feit te vieren wilt wi-j de Schutters en de Ruiters bi-j de dominee op een biertje goan trakteren
Angezien al onze deur zuurbrand angetaste maagjes die veuls te zuute chocolaatjes van de preaker toch niet kunt composteren
Wi-j eisen veur dit genereuze anbod van de Bielemans echter van jullie wel een tegenprestatie
Want veur dat jullie bier kriegt wilt wi-j veur zowel Henk as Bennie eerst nog een stoande ovatie
Dominee:
De hoge kosten van de kerkrestauratie dut de boekholding van de Hummelse kerkgemeente zowat uut mekaar knappen
En deur teruglopende collecteopbrengsten krig de parochie van disse dominee nog zwoardere klappen
Een verklaring veur de huidige economische beerput is eigenlijk heel eenvoudig vastgesteld
De trouwe Hummelse kerkgangers wilt gewoon woar veur hun geld!
Disse dominee is bliekboar nog niet op de heugte van ut feit dat ut vaak niet an de dikte moar an de lengte schort
Want zondags schieten in de kerk de woorden van God namelijk chronisch tekort
De diensten van disse deeltied-preaker wordt binnen een uur afgeraffeld en de kerkgangers zollen ut zingen hoast verleren
In de hele Hummelse historie hef d’r nog nooit een dominee zo kort van de preakstoel af stoan reren
Um de Hummelse kerk veur een bankroet te behoeden wilt wi-j disse luie deeltied-preaker dan ok graag met road terzijde stoan
Reinier, de collecteopbrengst wurt een stuk hoger as d’r niemand meer veur ut zingen de kerk uut mot goan
Dokter Mast:
Dokter Mast hef een indrukwekkend groot aantal noazaten deur Hummel an ut kroepen
Dat verbaast ons wel want op tied kommen is niet iets woar hi-j zich met veul trots op kan beroepen
Dat zal dan ok wel de reden wean dat disse medicus volgend joar in Keppel zien ni-je stulpje geet hokken
Zodat hi-j zichzelf in ut vervolg moar liefst één minuut eerder op de praktijk in kan klokken
Noa lang op disse arts in te proaten hebt wi-j ‘m dit joar gelukkig kunnen behoeden veur een catastrofale ramp
En stoat wi-j nog gewoon met ut hele zooitje kold bier te drinken in Hummel op de Zuylenkamp
Jeroen, i-j kunt dan wel ni-j wean in Hummel en as de enige echte kwakzalver op ow strepen willen goan stoan
Moar ok veur ow kommen wi-j volgend joar echt niet in Laag-Keppel ut vaandel sloan
Spar Janssen:
Fransje Dennegeur hef onlangs de verwarming en de boiler kapot gehad
Dus hi-j kon een weakje of twee niet onder een warme douche of in een lekker warm bad
Disse kruidenier mot hebben gestonken as een bunzing normaal gesprokken
Moar werkelijk niemand in Hummel hef een zure putlucht rondum Frans gerokken
Zelfs ut personeel had ‘m niet op een onwelriekend geurtje kunnen betrappen
Moar wat in de winkel wel op viel waren de leuge cosmetica schappen
Want wat bleek now ut geheim van disse onverstoorbare en stiekeme bikkel
Francientje spoot gewoon alles onder de parfum, van oorlel tot snikkel
Burgemeester:
Onze burgervader hef veul contacten en zal hoast nooit op een feestje verstek loaten goan
Ut enige noadeel van al dat netwerken is dat hi-j al joaren niet meer op de weagschaal durft te goan stoan
Hi-j mos toch echt een keer wat goan doen want zien lichaam kwam sputterend in opstand
En deurum is Henk de Biertank de laatste tied dan ok al tussen de sporters anbeland
Ok had hi-j tijdens de laatste Achterhoekse Vierdaagse 40 kilometer per dag in de benen
Alleen lag zien tempo zo laag dat bi-j ankomst iedereen bi-j de finish al was verdwenen
Ut lik ons dan ok verstandig dat onze burgemeister vanaf vandaag geen bier meer an zal raken
En dat hi-j in plaats doarvan better de Schutters met een extra biertje bli-j kan maken
Heinekendaal:
Hier bi-j ut Heinekendaal hebt ze ut afgelopen joar een verbouwing ondergoan
De bewoners van dit oldere-jongeren-centrum kunt now in drie ni-je woonruumtes een advocaatje met mekaar achteroaver sloan
Noadeel is wel dat ze doardeur de rokersruumte van dit Verbanninksoord hebt af motten schaffen
En dat van de winter alle verstokte rokers met min 20 buuten mot goan paffen
Ut besluit van de directie um de rookkamer te verwijderen kan ons as zeer sociale Bielemans dan ok niet echt bekoren
Ut kan in onze ogen toch niet de bedoeling wean dat de bewoners hier al dampend an een rollator zit vastgevroren
De Veldhof:
Hier op Hummels Oldste Ni-jbouw gebeurt elk joar werkelijk geen ene kloten
D’r is zelfs geen gekkigheid uut ut brein van old-oaverste Bennie Janssen ontsproten
Wi-j roept de bewoners van de Veldhof dan ok op um niet meer as grieze muuzen deur ut leaven te goan
Anders kunt wi-j in de toekomst net zo goed in een weiland met koeien goan stoan
Wi-j komt hier echter natuurlijk niet ieder joar um op het Piet Pasman Plein harde noten te goan kraken
Moar wel um ut speciale Veldhof-brood gewoon weer olderwets heerlijk te loaten smaken
't Hart:
Onlangs wier de hele buurt ’s margens vrog opgeschrikt deur een luchtalarm dat hier bi-j ut Hart was afgegoan
Moar achteraf bleek dat René van angst as een old wief keihard an ut gillen was gesloan
Toen Theo kwam kieken zag hi-j René ergens hoog en droog op een toafeltje achter een stapel toafelkleden
Enkel en alleen umdat de kat van de buren hier heel stiekempjes in ut café zien horizon wol verbreden
Van een Hummelse kastelein verwachten wi-j toch eigenlijk wel iets meer lef
Ondanks het feit dat wi-j wetten dat René niet echt veurkeur veur een poesje hef
De Krint:
Een dubbeltje kan nooit een kwartje worden is hier bi-j de Krint een achterhaalde en olderwetse wies
Want van vieftien cent extra op de muntpries is de Golden Caspar uuteraard niet vies
Niet vies steet sowieso in het woordenboek van disse veurmalige Hagenees
Want ut is ons namelijk ter ore gekommen dat hi-j al joaren deur ut leaven is gegoan met een ernstige vorm van smetvrees
Disse herbergier geet nooit, moar dan ok nooit, met zien derrière op een smerige WC zitten drukken
As d’r hier bi-j de Krint een remspoor in ut porselein blif liggen begint hi-j noar de schoonmaaksters driftig te zwaaien met zien krukken
Hoe de dames ut sanitair boent interesseert disse herbergier werkelijk geen ene flikker
Moar as een poepdoos niet schoon is dan is d’r bi-j de Golden Caspar stront an de knikker
Weerwoord Jeroen Mast:
Vorig jaar moest ik me nog bewiezen,
en kreeg ik het voor mn kiezen.
Als pillendraaier uit het westen moest ik de hummelse tradities in mn oren floepen,
en onder de tap kroepen.
Zulke rare woorden had ik nog nooit gehoord,
mijn doktersoog zei: gestoord!
Mijn diagnose is ook wel bewezen,
die bielemans die met een hoop herrie door de straten sjeezen,
vreemde dames kussen en met verf bestrijken,
de heren weten van geen wijken.
Toch zijn tradities een mooi gegeven,
die al vele jaren doorleven.
Als dokter van Hummelo blijf ik jullie graag ontvangen,
en met woorden over en weer een potje stangen.
Ook als ik straks dorpsgenoot van bieleman Nijman ben,
kruip ik graag nog in de pen.
Nu nodig ik jullie uit voor een biertje op de Zuylenkamp,
hoewel voor jullie buik een regelrechte ramp!
Proost
