Bielemansteksten

Rentmeestershuis:

• Wi-j zullen ut toch echt motten accepteren.
  Henk Oosterink zal noar 24 joar vandaag veur ut laatst as oaverste deur Hummel hen galloperen.
• Ut leek er even op dat dit zonder afscheidsronde ging gebeuren.
  Henkie wist namelijk vorige wek zien enkelbanden kats af te scheuren.
• Moar disse Napoleon lut zich niet zo uut ut zadel sloan.
  Tut de nek toe ingespalkt kan hi-j d’r vandaag volgas veur goan
• Henk van Holsen zoals de meeste hem kennen wordt namelijk na vandaag definitief bi-j de ruiters een vutter.
  Volgend joar is hi-j namelijk te bewonderen as een echte schutter!
• Ut Bielemansteam is dit joar ok an een verandering onderheven.
  Bas Langeweg zal de kommende joaren met onze Carla gruuwelijk gas goan geven.
• Dit joar hef wi-j in de vorm van Sander Harenberg een interm vendelier.
  Ad Rexwinkel is namelijk de grote afwezige deur een ingescheurde kringspier.
• Rinaldo Klein Bleumink zal vanaf dit joar een vaste rol hebben als Bieleman.
  Wi-j bunt benieuwd of hi-j Andre Ni-jman oavertreffen kan.
• Ok zal muziekvereniging Hummelo en Keppel veur ut eerst in de geschiedenis van dit feest de Vaandelwals serveren.
  Wi-j wilt de schutters dan ok met klem vroagen dit an te moedigen deur bi-j ieder adres keihard met reereren

Dominee Roth:

• Al ruum 6 joar steet onze prediker, ds. Elise, op de Hummelse prêkstoel,
  hoog boaven ut volk, als God op z’n wolk, bekik ze onder heur de hele boel.
• De köpkes bunt kaal of gries, de aantallen te oaverzien 
  moar wat eur ut meeste vereerd,
  dat d’r ook een enkele schutter in de kerkbanken wut gesignaleerd
• Van kerkelijke hogerhand willen ze graag dat predikanten regelmatig verkassen,
  Um ook uns een andere kerk met hun prötjes te verrassen.
• Wi-j bunt d’r niet bang veur dat ds. Elise met een andere kerk geet flirten,
  en Hummel zol verloaten,
  want dan zal ze toch nog een duftig woordje met Hein hebben te beproaten.
• En zeg now zelf, in welk derp zal ut tegenwoordig nog gebeuren,
  Dat i-j iedere tweede woensdag van September zelf een prêk van de Bielemans an mag heuren!

Veldhof:

• Al joaren lang worden wi-j in Hummels oldste Ni-jbouwwiek getrakteerd op koffie en brood.
  Disse versnapering maakt vaak een brakke schutter weer groot.
• De burgemeester van dit plein Piet Pasman hef echter noar jaren trouwe dienst an-gegeven met pensioen te willen goan
  Moar an-gezien d’r zich nog gin opvolger hef gemeld.
• Denken wi-j d’r oaver um volgend joar ut Piet Pasmanplein anders moar oaver te sloan.
• Ut slappe saamhorigheidsgevuul vinden wi-j hier echt te triest en te bezopen
  Of d’r is hier volgend joar weer brood en koffie Anders mot ut hele plein verplicht ter inburgering met de schutters met lopen!

Dokter Mast:

• Wi-j as Bielemans maken ons ernstige zörgen oaver onze geneesheer.
  Sinds kort bewêgt hi-j zich namelijk op een vouwfiets deur ut Hummelse verkeer.
• Ok hef de dokter deur loaten schemeren dat hi-j wil stoppen met zien tegen toespraken.
  Mocht hier een kern van woarheid in zitten.
  Dan zullen wi-j ow volgend joar.. op dit plein helemoal met de grond geliek maken.
• Doarnoast hebben Jeroen en Anouk ook nog uns hun geldpakhuus te koop gezet met de gedachten um buuten onze gemeente grenzen.. te goan bivakeren.
  Moar familie Mast ….. Arnhem is de hoofdstad van Nederland als ut geet um radicaliseren!

De Spar:

• Dat ut vaandel hier geslagen wut veur drie generaties Spar.
  Kump umdat Emiel Hummels grootste warenhuus niet alleen kan runnen
  Terwijl de Hummelse gemeenschap Super Dick en Fransje Dennegeur al joaren hun welverdiende rust wilt gunnen.
• Deur observatie is gebleken dat de ni-je dorpskruidenier het zelf wel hard werken vind van negen tot vijf.
  Veural in het weekend is het hier net een kinderdagverblijf.
• Wi-j wilt ow tevens mededelen daj hier in Hummel normaal met mensen könt communiceren.
  Want i-j zet ut personeel en ow zelf mooi veur lul
  Um ze deur ze door zon walkie talkie te loaten reren.
• Persoonlijke aandacht en advies op moat waren de krachten van Dick G en Frans.
  Moar deur open te goan op de kermis woensdag
  maak i-j qua intergratie in Hummel al helemoal geen kans!

Burgermeester Besselink:

• Marianne is in de nieuwe coalitie wederom de enige vrouw binnen de raadskamer.
  Moar slut as een woeste kearl met de veurzitters hamer.
• Wi-j bunt benieuwd of onze burgermoeder met kinderen um kan goan.
  Volgend joar zal zi-j geassisteerd worden deur een jeugdburgemeester met ut vaandelsloan.
• Ut zol mooi zun dat met disse jeugdige antrekking
  ut beleid rondom tentfeesten wat meer deur de vingers wurd gekekken.
• Wi-j wilt teslotte niet hebben dat alle jeugd in Bronckhorst noar elders in ut land geet vertrekken.
• Met de road ging zi-j afgeloppen joar op werkbezoek in Groningen ter inspiratie veur een nieuw visioen
  Moar ff 1 ding…… As i-j hier in Hummel moar niet an gaswinning goat doen!

Hyndendael:

• Noadat wi-j as Bielemans hier joaren lang veur de bewoners van ut Heinekedeal hebben lopen mouwen.
  Is ut afgelopen joar dan endelijk zover gekommen dat de directie van Markenheem de laatste halte van Hummel grondig liet verbouwen.
• Wi-j denken echter dat de CEO van dit oord dit puur hef gedoan uut eigen belang.
  Want Andre Endeman zelf is afgelopen joar belast met zien eigen Lichamelijke achteruut gang.
• Geconfronteerd met dit feit hef disse man zich dan toch moar loaten opereren.
  En löp now weer as een jonge hengst met zien nieuwe heupen deur ut Heinekedeal te gallopperen.
• Wi-j wilt disse CEO d’r wel op attenderen, dat dit jeugdige gedrag op de bewoners oaver kan sloan En van ons mag dit dan ok een tandje minder,
  veur i-j ut wet kiekt ze hier tijdens de koffie um 8 uur niet noar ut journaal, moar doe-t ze samen een potje Tinder!

FF noar Steef:

• Ut zal jullie vast niet zun ontgoan dat ut Anhangerschap van Normaal hier met Hemelvaartsdag een stanbeeld hef loaten onthullen.
  Onze Steef had echter toen niet in de gaten dat hi-j met dit evenement zien eigen zakken goed kon vullen.
• Steef was namelijk zo collegiaal om dit evenement deur een collega horeca ondernemmer te loaten organiseren.
  Moar wist zich noa dit zeer geslaagde evenement bi-j ieder krantenartikel zelf as organisator te manifesteren
• Sinds disse dag is ut echter wel een drukte van jewelste op ut plein van de Hummelse beeldenvaart.
  En lop Steef zich de bloaren an de vuute met koffie en appeltaart.
• Deur un pamflet deur ut derp te verspreiden met de nodige Volksfeest activiteiten.
  Kriegen wi-j de indruk dat Steef en Martine ut begint te snappen in plaats van weer te verzaken.
• Zo woar kuj tijdens ons mooie feest, 
• van “eten wat de kermispot schaft” gebruuk maken
• Wi-j as bielemans wilt Steef en Martine met klem adviseren…
• Disse visie vol te hollen in ut kader van klantenbinding en ondernemmersdrang
  Anders stoan wi-j hier volgend joar een tekst te lezen veur ons zelf! Bi-j café de Bieleman!

Krint:

• Umdat de medewerkers van disse herberg vanuut The Queen een zwijgplicht hebben met ut geven van Bielemans informatie
  Goat wi-j ut vandaag onder de Verranda moar eens hebben oaver de joaren lange taptraditie.
• De een vind het onfatsoenlijk en buuten proporties goan.
  Moar ondertussen willen diezelfde wel met de neuze veur an stoan.
• De ander doar in tegen.
  Is weer helemoal weg van disse golden rêgen.
• Dit joar hebt wi-j intern binnen de Bielemans sociteit beslotten
  um ut toch net ff wat anders te goan doen
  De Bielemans 2.0 hebt namelijk wel een betjen fatsoen
• Wi-j hopt alleen dat ze niet goat verzoepen
  Want d’r meugt vandage twee dames onder ons 0.0 tapje kroepen !!

Bielemans Hummelo@2018